Quen somos?
Esquerda Anticapitalista é unha organización revolucionaria, ecoloxista, feminista e internacionalista que se esforza por impulsar as loitas contra toda forma de opresión, explotación e dominación sobre as persoas e a natureza. As mulleres e os homes de Esquerda Anticapitalista organizámonos politicamente para volver a poñer de actualidade a necesidade dunha ruptura revolucionariaque permita iniciar a construción dunha sociedade socialista autoxestionaria libre de alienación, explotación e opresión, onde todo o mundo poida participar dunha forma democrática e pluralista na elección dun novo futuro colectivo.
Que nos une?
Un mundo liberado da ditadura do capital só pode vir a través dunha ruptura radical co (des) orde existente. Non podemos esperar nada bo dun sistema que xera millóns de desempregados, pobres e marxinados nos países ricos e centos de millóns de persoas famentas dos países do sur, nin facernos ilusións sobre un sistema ecoloxicamente insostible que ameaza destruír o planeta. Mentres tanto, a crise deste "modelo" civilizatorio non fai máis que agravarse e se acentúan o militarismo, as limitacións ás liberdades e o desenvolvemento de ideoloxías reaccionarias e fundamentalistas. Cremos que hai que promover unha estratexia contrahexemónica de construción dun bloque político, social e cultural alternativo, capaz de promover procesos de converxencia entre os distintos movementos sociais en torno á loita por reformas non reformistas e reivindicacións de carácter transitorio cuxa conquista e consolidación requerirán un enfrontamento co sistema e a lóxica do capital.
