Comunicado de Esquerda Anticapitalista ante a violencia policial no País Valencià

As violentas actuacións policiais que comezaron coa detención dun estudante do IES Luís Vives de Valencia o día anterior á Folga do pasado xoves 16 de febreiro . Onte. día 20, as forzas policiais entraron no IES Luis Vives e se produxeron novas agresións e detencións: ás 10 da noite continuaba a pugna entre policía e manifestantes fronte o mesmo instituto e á Estación del Norte da cidade, mentres o total de persoas detidas elevábase xa a vinte e unha.

As protestas estudantís tiveron como orixe a escalada de recortes no ensino público, cuxo último peldaño foi o decreto de medidas urxentes para a redución do déficit do Consell de la Generalitat Valenciana do 5 de xaneiro. O decreto veu seguido - con só un mes de distancias entre ambos- pola Reforma Laboral aprobada polo goberno estatal do PP.  No País Valencià producíronse xa unha cadea de accións de protestas masivas, comezando pola manifestación en defensa do ensino público do 21 de xaneiro, a do conxunto da Administración Pública do 26 dese mesmo mes, a manifestación estudantil do 16 de febreiro e as manifestacións contra a Reforma Laboral do pasado domingo 19. 



Todo isto sen contar as numerosas accións nos centros, localidades e comarcas, que vanse sucedendo sen interrupción, en particular no ensino, pero tamén ante outras agresións como a suba das taxas municipais da recollida de lixo nunha serie de localidades da comarca de l'Horta.

Ante as actuacións policiais e os recortes no ensino foron convocadas xa unha xornada de protestas para o xoves 23 e unha nova folga con manifestacións para o mércores día 29. Por outra parte sindicatos do ensino, partidos de esquerdas e organizacións sociais reúnense mañá día 21 para decidir as accións a realizar ante a represión policial e o día 25 volveranse producir manifestacións contra os recortes da Administración Pública.

A brutal e desmesurada intervención policial -que a delegada do goberno Paula Sánchez de León apoia-  ten uns obxectivos claros: intimidar ó máximo ás estudantes para impedir a súa mobilización e crear un clima de medo social que permita a criminalización do incipente movemento. Como estamos afeitos a esta forma de obrar por parte do aparato represivo do estado que en anteriores ocasións -recentemente co 15M, hai algún tempo xa co movemento antiglobalización- demostrou unha certa eficacia, imponse obrar con intelixencia e prudencia. A presenza de provocadores e infiltrados policiais debe ser motivo de seguimento e denuncia, o tempo que é preciso evitar accións que faciliten a represión e poidan crear clima de medo e o illamento do movemento.

Imponse a máxima solidariedade e apoio coas persoas detidas e continuar de xeito firme e decidido coas mobilizacións pola liberdade das persoas detidas, contra os recortes e a reforma laboral, buscando a máis ampla unidade sindical e social posible, a coordinación entre os sectores en loita e a organización por abaixo, en centros, localidades e comarcas, que permita a súa extensión e continuidade no tempo. Esquerda Anticapitalista porá todo o seu esforzo para traballar nesa dirección.

Liberdade das detidas en Valencia!

Dimisión da delegada do goberno e dos responsables policiais!

Nin un recorte máis! Retirada do decreto de medidas urxentes do Consell de la Generalitat Valenciana e da Lei de Reforma Laboral!